今日「白露」，係中國陰曆24節氣之一。
聽講話，白露前，小暑後，蟋蟀最好鬥。
我細個時喺家鄉中山三鄉玩過「鬥蟀」。「蟋蟀」，三鄉話叫佢做「zuk5 gai44 (粵語直音「竹雞」)」。
時到白露前後，蟋蟀進入交配期，雄蟀會磨翅擦翼，發出宏亮「嘎啷嘎啷」求偶聲。兩雄喺雌蟀面前狹路相逢，一場有你冇我嘅廝殺，勢所難免。
鬥蟀之玩，據講自李唐以來就有文字記錄，基本玩法係將兩隻雄蟀放喺同一隻泥盆入面，用隔柵隔開，再由各自嘅蟀主用馬尾鬃或蒸熟咗嘅「日菣草」 撩撥佢自己「愛蟀」嘅觸鬚，誘發「愛蟀」當時同其他雄蟀勢不兩立嘅鬥心，只要是但一隻發出「嘎啷嘎啷」嘅叫聲，隔柵就應聲打開，跟住就係兩蟀埋牙廝殺，直至一方敗陣認輸為止。
用馬尾鬃之類撩撥「鬥蟀」觸鬚，誘發鬥心，此舉三鄉話叫做「醒竹雞 – seaa55*32 zuk5 gai44」。細僗哥玩「打蟀」，「醒竹雞」用具冇咁講究，都係就地取材，隨便掹一支野草幼細花梗，或者將一隻打甩髀嘅「敗蟀」連頭帶鬚摘落來，用香笄拮住，當作「引逗」。
聽講話，白露前，小暑後，蟋蟀最好鬥。
我細個時喺家鄉中山三鄉玩過「鬥蟀」。「蟋蟀」，三鄉話叫佢做「zuk5 gai44 (粵語直音「竹雞」)」。
時到白露前後，蟋蟀進入交配期，雄蟀會磨翅擦翼，發出宏亮「嘎啷嘎啷」求偶聲。兩雄喺雌蟀面前狹路相逢，一場有你冇我嘅廝殺，勢所難免。
鬥蟀之玩，據講自李唐以來就有文字記錄，基本玩法係將兩隻雄蟀放喺同一隻泥盆入面，用隔柵隔開，再由各自嘅蟀主用馬尾鬃或蒸熟咗嘅「日菣草」 撩撥佢自己「愛蟀」嘅觸鬚，誘發「愛蟀」當時同其他雄蟀勢不兩立嘅鬥心，只要是但一隻發出「嘎啷嘎啷」嘅叫聲，隔柵就應聲打開，跟住就係兩蟀埋牙廝殺，直至一方敗陣認輸為止。
用馬尾鬃之類撩撥「鬥蟀」觸鬚，誘發鬥心，此舉三鄉話叫做「醒竹雞 – seaa55*32 zuk5 gai44」。細僗哥玩「打蟀」，「醒竹雞」用具冇咁講究，都係就地取材，隨便掹一支野草幼細花梗，或者將一隻打甩髀嘅「敗蟀」連頭帶鬚摘落來，用香笄拮住，當作「引逗」。