mam-mam1 sik6, gaak3-lei4 po4-zai2 mou5-dak1 sik6
𩜠 𩜠 食， 隔 籬 婆 仔 冇 得 食
此調不聞久矣。一位廣州成長嘅退休同齡老同事甚至話冇聽過添。
此話嘅語境係細僗哥喺同伴面前炫耀佢手上嘅「雜樂」（即係依家講嘅「零食」）。細僗哥一邊擰擰下佢啲雜樂， 一邊唱「𩜠𩜠食，隔籬婆仔冇得食」，存心逗引眼前同伴流口水。
細僗哥呢個舉動，敝鄉中山三鄉話有個專用嘅單字動詞，讀〔seaa55〕，本字我查找三四十年，到最近先意外發現估係「雖不中亦不遠矣」嘅廣東「醒獅」嗰個「醒」字。我之所以噉樣估，係因為北話「醒」字有一讀跟北話「城」字同音，讀〔cheng2〕，而中山三鄉話「城」又咁啱讀〔seaa55〕；「省城」讀〔saang35*sang32 seaa55〕。但係我查唔到北話喺乜場合下「醒」字讀〔cheng2〕。
喺廣東「醒獅」活動入面，挓住把大葵扇出現喺獅頭面前嘅「大頭佛」，佢嘅戲份就係要「逗醒」嗰棚「瑞（粵音「睡」）獅」，激發佢「採青（暗指「踩低滿清」）嘅雄心。喺呢個語境入面，「醒獅」既形容嗰棚採青南獅嘅狀態，同時亦界定「大頭佛」角色所在。
粵語「醒」讀〔sing2〕有打賞之意。
𩜠 𩜠 食， 隔 籬 婆 仔 冇 得 食
此調不聞久矣。一位廣州成長嘅退休同齡老同事甚至話冇聽過添。
此話嘅語境係細僗哥喺同伴面前炫耀佢手上嘅「雜樂」（即係依家講嘅「零食」）。細僗哥一邊擰擰下佢啲雜樂， 一邊唱「𩜠𩜠食，隔籬婆仔冇得食」，存心逗引眼前同伴流口水。
細僗哥呢個舉動，敝鄉中山三鄉話有個專用嘅單字動詞，讀〔seaa55〕，本字我查找三四十年，到最近先意外發現估係「雖不中亦不遠矣」嘅廣東「醒獅」嗰個「醒」字。我之所以噉樣估，係因為北話「醒」字有一讀跟北話「城」字同音，讀〔cheng2〕，而中山三鄉話「城」又咁啱讀〔seaa55〕；「省城」讀〔saang35*sang32 seaa55〕。但係我查唔到北話喺乜場合下「醒」字讀〔cheng2〕。
喺廣東「醒獅」活動入面，挓住把大葵扇出現喺獅頭面前嘅「大頭佛」，佢嘅戲份就係要「逗醒」嗰棚「瑞（粵音「睡」）獅」，激發佢「採青（暗指「踩低滿清」）嘅雄心。喺呢個語境入面，「醒獅」既形容嗰棚採青南獅嘅狀態，同時亦界定「大頭佛」角色所在。
粵語「醒」讀〔sing2〕有打賞之意。