敝鄉中山三鄉一鄉親發微信問我，三鄉閩語叫「dang6 go3」嘅嗰種野菇，漢字應該點寫？粵語又點講點寫? 呢兩個問題，我都問咗幾十年，前晚先至問到第二個問題嘅答案：三鄉閩語叫「dang6 go3」嘅野菇，市場上粵語叫「夏至菇」，又叫「荔枝菌」。至於「dang6 go3」嘅漢字寫法，確係未見人寫過。三鄉好似冇人相信三鄉話同粵語一樣有字可寫。
我好想打破三鄉話冇字可寫呢個迷信，但係花咗唔止二十年時間閉門造車，依然有好多問題重未得解決。例如「dang6 go3」呢重野菇，我本來想寫「茼菇」；但係網上有頗多互相抄襲嘅資料話，「茼菇」廣州話係指孫思邈所講嘅「茼蒿」。呢筆資料我真係唔敢相信，奈何我又好難證明佢錯。為咗避免「異物同名」，只好暫時收返用「茼菇」作為對應「夏至菇」嘅三鄉話寫法。
我好想打破三鄉話冇字可寫呢個迷信，但係花咗唔止二十年時間閉門造車，依然有好多問題重未得解決。例如「dang6 go3」呢重野菇，我本來想寫「茼菇」；但係網上有頗多互相抄襲嘅資料話，「茼菇」廣州話係指孫思邈所講嘅「茼蒿」。呢筆資料我真係唔敢相信，奈何我又好難證明佢錯。為咗避免「異物同名」，只好暫時收返用「茼菇」作為對應「夏至菇」嘅三鄉話寫法。