因教育局網頁的一篇文章，引起全城憤怒，更軒然大波。那篇指出廣東話是「一種不是法定語言的中國方言」的文章，雖教育局已為此致歉並刪除，但就因此泛起了港人對於普通話入侵香港教育的殖民計劃的關注，包括普通話教中文（以下簡稱「普教中」）、教育電視妖魔化抹黑廣東話等。這其實已是逾十年的課改計劃，「普教中」計劃成效成疑，教育局有心隱瞞，但這隨時觸發起比反國教更劇烈的本土捍衞運動。
有關「普教中」的討論， 最早可追溯至2000年的課程發展議會， 議會提出使用普通話教授中國語文科作為長遠目標， 及後2003年語文教育及研究常務委員會（簡稱「語常會」） 表示「非常贊成課程發展議會使用普通話教授中國語文科的長遠展望」。然而要留意的是， 上述兩份文本紀錄均沒有把普通話教授政策的理據清楚地寫出來。
2001年，施政報告表港要推行「兩文三語」政策。語常會斥資二億元支援中小學推行「普教中」。只要合情合理，有計劃的循序漸進，不管參與學校的語文老師是否已考得普通話基準資格，只要朝「普教中」方向努力和計劃，就能得到「語常會」的資助，提升「普教中」的能力。首屆支援三十所小學及十所中學進行三年「協助香港中小學推行以普通話教授中國語文科」（簡稱「普教中」）計劃試驗。
可憾的是，及後推行「普教中」的學校越來越多。根據《小學概覽》和《中學概覽》的資料，2007-08 年度估計有約20% 的中學和小學試行「普教中」。這個統計數字，包括了全面實施「普教中」和部分班級實施「普教中」的學校。
從政治上，這是中共殖民；從教學上，「普教中」成效成疑，教育局最近更將網頁內「目前仍未有確實證據，證明以普通話學習中國語文的學生的一般中文能力會有所改善。其中兩項研究發現，以普通話學習的學生的中文能力，與以廣東話學習的學生並無分別，甚或表現更差」一段刪除，更是無私顯見私，本報專訪了三位中小學老師和學者，對「普教中」從多方面作深入的探討和剖析。
嶺南大學中文系助理教授 陳雲老師
教育局稱「普教中」能提升中文水平，你有什麼評價呢？
陳雲︰「呢個係幻覺嚟，中文語文水平應該係指寫作方面，如果係要同大陸人、台灣人交流，咁梗係要學普通話，但係整一科普通話唻教就已經得，唔駛普教中。普教中諗住幫助寫作，佢以為普通話用嘅係書面語，或者白話文做唔到，好似普通話嘅虛詞，但係呢尐好表面嘅嘢，睇書都學到，唔需要學嗰種語言都學到。」
「由於而家佢用梗普通話係中共控制嘅普通話唻，唔係按照40 年代北京推行按照語音、通行嘅白話作品唻做詞彙同語法，而家推行嘅普通話係用北方嘅詞彙同語法，係用北京土話之類，譬如土豆啊、地瓜之類方言，又唔係學名，唔係馬苓薯，又唔係甘薯。咁呢個地位同香港嘅蕃薯根本唔一樣，反而蕃薯嗰命名比佢個地瓜更加合理。呢尐佢咪會排斥之外。」
「另外向語法方面，我地話『我去九龍』，我地呢個白話文可以入文嘅，但係用普通話教，或者所謂現代漢語就寫『我到九龍去』，或者寫『我往九龍』。佢呢尐用普通話口語唻教，會教壞中文，破壞咗中國南北語言嘅合流，變咗北廣播台或者報紙語言定為標準。呢個係災難唻，對中國文化係災難，最尾係害咗香港，亦害咗中文。因為尐老師無呢種文學修養，同語文權威去判斷邊尐可以入文。咁佢咪照教科書囉，所以咪見到尐教材話蕃薯都唔可以寫。」
你覺得「普教中」對中文教授和學習有什麼影響呢？
陳雲︰「普通話教中文梗係教得差啦，變咗『高壓教育』，因為現代白話只係形成緊，得個幾十年歷史，由五四運動到而家好多地方都試緊，明清嗰尐就唔好理佢，大致上都定咗型。總之，每一個方言區嘅人，包括北京，都係向度試驗。呢樣嘢，即使係語言學家、散文作家，或者我都唔可以叫邊尐叫做標準，邊尐唔標準。呢個係長久試出唻。而家，佢話要用普通話教，就用課本做標準。咁呢個標準係共產黨訂，係由編寫教材嗰個人定奪邊尐詞彙可以入文。嗰尐人有幾多學術斤兩，有幾學術包容，大家都知架喇，而家又唔係寫信俾國務院。呢個政策本身就係多餘。對香港老師唻講，咩正宗正統，好清楚，就係訓練尐大陸老師落唻香港搶工作。呢個係搶奪權位嘅陽謀，加埋考尐中文老師咩普通話幾級試。佢唔過關，咁咪無得教囉，大陸人自細學嗰種話咪合格囉，但有尐北京人都唔合格架，你搵莫言去考都可能唔合格架，習近平去考口語都唔得架。」
你覺得政府推行「普教中」有甚麼考慮？
陳雲︰「普教中呢尐先係堅嘢，國民教育嗰尐都係虛晃一招。今次真係鬥壞鬥殘，尐細路自細學普通話，唔識用粵語唻講正常言談。粵語變咗市井語，就變咗下流賤格，變咗粵語只係向街市、港產片用，學校教唐詩呀，演講呀都唔會用。所以，普教中呢套真係向世代上面，係將世代傳承打破，真係搞一批『新香港人』出唻。下一代唔識講上一代說話，或者覺得上一代說話係粗鄙，咁佢磨平全國各省、文化差異傳承嘅目標就達到。老共不嬲都係咁，唔單止係香港，對其他省市都係咁，結果會將粵語文化磨蝕，同埋將粵語同華夏文化的根斬斷。我地以後唔識講『之乎者也』，『豈有此理』嗰尐，因為普通話嗰尐人唔講嘅，佢地講另一套好似『哪兒有這個道理』。你講『豈有此理』佢聽唔明架。」
「我地要堅決反對，一係因為佢唔符合語言教學原理、二係職業長短、第三係文化壓抑。呢尐一定要攞出唻講，令香港老師知道生計上受到威脅。而家40、50 歲梗係無所謂啦，嗰代叫離地中產，返加拿大印印腳，梗係無問題。後生升大學嗰代唔係，好似教協都係其中一個問責對象，因為佢代表教師同政府談判。如果教協企向共產黨或大中華嗰邊，咁就要反架喇。」
小學老師陳先生 任教普通話十四年
教育局稱「普教中」能提升中文水平，你有什麼評價呢？
陳老師︰「實際上係唔可以，唔可行，而家普通話教中文，變咗係多咗科普通話提升普通話水平，唔係中國語文水平。呢個好弔詭，原本得一個禮拜一堂普通話，你增加到佢一個禮拜十一堂。咁有兩樣嘢出現咗，第一，你講說話，用普通話講說話一定會上升；第二，你使用嘅詞彙，當然係書本上的詞語使用率咪上升囉。但係唔係，呢個只係普通話講嘢，只係普通話應用上升，就並唔係中文語文能力上升。」
「其實中國語文能力，或者水平提升，就唔係讀寫聽講，教育局呢個講法係好粗疏，只係方便尐人明白理解，所以將佢咁樣劃分。但係語文能力係咪剩係應用呢，應該包括我地用個腦去思維、理解、閱讀。我地仲要組織，其實一連串嘢，會同詞彙有少少關係，但又唔係絕對有關係，仲未計創意、組織。」
你覺得「普教中」對中文教授和學習有什麼影響呢？
陳老師︰「普教中就係一個單向式灌輸，即係我地一直詬病緊填鴨式教育制度。我講就你聽，你無得Say No，學生一係做，一係唔做，唔做咪唔合格囉，所以學生無得反饋俾老師。譬如你播普通話ETV，學生唔會諗架，佢咪剩係接收咗冷氣叫空調囉。尤其是係一年班啱啱入學，我地用母語廣東話去學習，另一班用普通話去教，咁樣做個實驗。頭個半年，普通話嗰班係要同佢搏命嘅，佢唔會知你講乜，因為你講嘅外星話，最少要半年先掌握得到。可能一年之後，兩班水平一樣架喎，點解啊？都係睇嗰尐文字，所以最後成績相若，但係向課室裡面，佢地會唔會舉手呢，佢都唔知你講乜。所以你話，我地長時間做就得，但咁樣係本末倒置咗啦，學好中文就應該捨難取易，本身有好地地嘅語言你唔用，老師學生可以好快速學到課文嘅嘢，但你搵個外語唻教學。」
「根據田北辰早幾日講，我地嘅普通話唔地道，係真係唔地道，除非係北京唻嘅老師，仲要攞到基準試最高級，呢種所謂唔地道咪教出唻唔地道嘅學生囉。如果按佢嘅思維去睇，香港老師咪唔夠人爭，老師咪無得撈？以呢個講法唻講，全部都唔掂架。普教中對老師唻講，最後會無咗飯碗，呢個係好現實嘅考慮。好似田北辰咁講邊個地道，北京落唻嘅人地道，最後咪將中文科嘅老師踢走晒囉，我地而家實行緊專科專教，咁你唔地道，你唔可以搭單去教其他課架，係咪？」
你覺得政府推行「普教中」有甚麼考慮？
陳老師︰「地道普通話夾雜好多北京方言，好似『這會子』。『瞧了半天』，佢叫『賣葱了半了』，咁你明唔明佢講咩？我普通話算係好叻，但我都聽唔明呢尐所謂地道嘅普通話。你念下小一至小六去到呢種所謂地道。當我地用返呢尐詞語，我地本身用緊嘅用句、用語、用詞會慢慢消失。佢成日強調『我口寫我手』，但問題係地道普通話口語，可唔可以寫落唻呢？但學生就習慣咗呢種嘢，本來有尐用廣東話表達好優美，譬如夜晚、黃昏，普通話就晚上，傍晚。我地本來有尐形音義，你聽就會覺得幾靚，個畫像會出唻，但普教中咪無咗囉，因為唔地道嘛。
「其實普通話，同廣東話係兩種唔同嘅語言，香港應該保留返粵語。呢個社會、社區文化，我地嘅大環境係用廣東話，點解我地要用一種外語去學我地嘅中文呢，呢個係奇怪嘅事，亦都係荒謬嘅事。本來普教中向99年係初擬，但而家無端端07年爆咗出來，一路唔講，到最尾報告就定咗普通話教中文。呢個係溫水煮蛙，本來一個大大粒嘅教改，中間夾一個條文話初擬，跟住唔講，而家話好多學校實行咗，完全無諮詢，問過老師意見，所以我地一定要出聲。」
中學老師鄭先生 任教中文八年
教育局稱「普教中」能提升中文水平，你有什麼評價呢？
鄭老師︰「普教中根本唔可行，第一、師資達唔到所謂嘅標準， 雖然而家大部分老師都要考普通話基準試，但你平時講普通話，同你教普通話已經係兩回事，而家仲話要用普通話唻教中文， 根本無可能實行。第二，普教中無教材配套，即使有，有好多我地而家教緊中國語文嘅文章，同課文都要刪走。舉個例，好似陶淵明《歸去來辭》，第一句『歸去來兮』就已經唔可能用普通話教，尤其係楚辭、詩經本身好多白話語，普教中即係叫你放棄一尐古文，唔係教中文，變相係破壞中文基礎。再講，好似《木蘭辭》呢一類南北叙事詩，第一句『唧唧復唧唧』，用廣東話教，學生一聽就知道係織衫， 但用普通話， 你要隔一重解釋尐學生先至明你講乜。」
你覺得「普教中」對中文教授和學習有什麼影響呢？
鄭老師︰「用普通話教中文，尐學生咪唔會聽你講嘢囉，而家用廣東話都好難提升同學上堂嘅興趣，用廣東話上中文堂已經夠悶，普教中咪仲大鑊？畢竟中港交流頻繁咗，而且好多人都要返大陸做嘢，我覺得學普通話係必須嘅，但一科普通話就乜都夠啦，始終識多一種語言，多一個優勢，但話用普通話教中文，係好錯誤嘅決定。普通話係可以學，但係唔可以當做教學語言，我地中文閱讀能力唔差架，比起內地唻講更高，點解我地要打沉咗佢，要搵第二樣嘢唻學，咁樣幾荒謬。」
（原文刊於第十六期《熱血時報》，於2014年2月23日免費派發。 由倉頡轉載
有關「普教中」的討論， 最早可追溯至2000年的課程發展議會， 議會提出使用普通話教授中國語文科作為長遠目標， 及後2003年語文教育及研究常務委員會（簡稱「語常會」） 表示「非常贊成課程發展議會使用普通話教授中國語文科的長遠展望」。然而要留意的是， 上述兩份文本紀錄均沒有把普通話教授政策的理據清楚地寫出來。
2001年，施政報告表港要推行「兩文三語」政策。語常會斥資二億元支援中小學推行「普教中」。只要合情合理，有計劃的循序漸進，不管參與學校的語文老師是否已考得普通話基準資格，只要朝「普教中」方向努力和計劃，就能得到「語常會」的資助，提升「普教中」的能力。首屆支援三十所小學及十所中學進行三年「協助香港中小學推行以普通話教授中國語文科」（簡稱「普教中」）計劃試驗。
可憾的是，及後推行「普教中」的學校越來越多。根據《小學概覽》和《中學概覽》的資料，2007-08 年度估計有約20% 的中學和小學試行「普教中」。這個統計數字，包括了全面實施「普教中」和部分班級實施「普教中」的學校。
從政治上，這是中共殖民；從教學上，「普教中」成效成疑，教育局最近更將網頁內「目前仍未有確實證據，證明以普通話學習中國語文的學生的一般中文能力會有所改善。其中兩項研究發現，以普通話學習的學生的中文能力，與以廣東話學習的學生並無分別，甚或表現更差」一段刪除，更是無私顯見私，本報專訪了三位中小學老師和學者，對「普教中」從多方面作深入的探討和剖析。
嶺南大學中文系助理教授 陳雲老師
教育局稱「普教中」能提升中文水平，你有什麼評價呢？
陳雲︰「呢個係幻覺嚟，中文語文水平應該係指寫作方面，如果係要同大陸人、台灣人交流，咁梗係要學普通話，但係整一科普通話唻教就已經得，唔駛普教中。普教中諗住幫助寫作，佢以為普通話用嘅係書面語，或者白話文做唔到，好似普通話嘅虛詞，但係呢尐好表面嘅嘢，睇書都學到，唔需要學嗰種語言都學到。」
「由於而家佢用梗普通話係中共控制嘅普通話唻，唔係按照40 年代北京推行按照語音、通行嘅白話作品唻做詞彙同語法，而家推行嘅普通話係用北方嘅詞彙同語法，係用北京土話之類，譬如土豆啊、地瓜之類方言，又唔係學名，唔係馬苓薯，又唔係甘薯。咁呢個地位同香港嘅蕃薯根本唔一樣，反而蕃薯嗰命名比佢個地瓜更加合理。呢尐佢咪會排斥之外。」
「另外向語法方面，我地話『我去九龍』，我地呢個白話文可以入文嘅，但係用普通話教，或者所謂現代漢語就寫『我到九龍去』，或者寫『我往九龍』。佢呢尐用普通話口語唻教，會教壞中文，破壞咗中國南北語言嘅合流，變咗北廣播台或者報紙語言定為標準。呢個係災難唻，對中國文化係災難，最尾係害咗香港，亦害咗中文。因為尐老師無呢種文學修養，同語文權威去判斷邊尐可以入文。咁佢咪照教科書囉，所以咪見到尐教材話蕃薯都唔可以寫。」
你覺得「普教中」對中文教授和學習有什麼影響呢？
陳雲︰「普通話教中文梗係教得差啦，變咗『高壓教育』，因為現代白話只係形成緊，得個幾十年歷史，由五四運動到而家好多地方都試緊，明清嗰尐就唔好理佢，大致上都定咗型。總之，每一個方言區嘅人，包括北京，都係向度試驗。呢樣嘢，即使係語言學家、散文作家，或者我都唔可以叫邊尐叫做標準，邊尐唔標準。呢個係長久試出唻。而家，佢話要用普通話教，就用課本做標準。咁呢個標準係共產黨訂，係由編寫教材嗰個人定奪邊尐詞彙可以入文。嗰尐人有幾多學術斤兩，有幾學術包容，大家都知架喇，而家又唔係寫信俾國務院。呢個政策本身就係多餘。對香港老師唻講，咩正宗正統，好清楚，就係訓練尐大陸老師落唻香港搶工作。呢個係搶奪權位嘅陽謀，加埋考尐中文老師咩普通話幾級試。佢唔過關，咁咪無得教囉，大陸人自細學嗰種話咪合格囉，但有尐北京人都唔合格架，你搵莫言去考都可能唔合格架，習近平去考口語都唔得架。」
你覺得政府推行「普教中」有甚麼考慮？
陳雲︰「普教中呢尐先係堅嘢，國民教育嗰尐都係虛晃一招。今次真係鬥壞鬥殘，尐細路自細學普通話，唔識用粵語唻講正常言談。粵語變咗市井語，就變咗下流賤格，變咗粵語只係向街市、港產片用，學校教唐詩呀，演講呀都唔會用。所以，普教中呢套真係向世代上面，係將世代傳承打破，真係搞一批『新香港人』出唻。下一代唔識講上一代說話，或者覺得上一代說話係粗鄙，咁佢磨平全國各省、文化差異傳承嘅目標就達到。老共不嬲都係咁，唔單止係香港，對其他省市都係咁，結果會將粵語文化磨蝕，同埋將粵語同華夏文化的根斬斷。我地以後唔識講『之乎者也』，『豈有此理』嗰尐，因為普通話嗰尐人唔講嘅，佢地講另一套好似『哪兒有這個道理』。你講『豈有此理』佢聽唔明架。」
「我地要堅決反對，一係因為佢唔符合語言教學原理、二係職業長短、第三係文化壓抑。呢尐一定要攞出唻講，令香港老師知道生計上受到威脅。而家40、50 歲梗係無所謂啦，嗰代叫離地中產，返加拿大印印腳，梗係無問題。後生升大學嗰代唔係，好似教協都係其中一個問責對象，因為佢代表教師同政府談判。如果教協企向共產黨或大中華嗰邊，咁就要反架喇。」
小學老師陳先生 任教普通話十四年
教育局稱「普教中」能提升中文水平，你有什麼評價呢？
陳老師︰「實際上係唔可以，唔可行，而家普通話教中文，變咗係多咗科普通話提升普通話水平，唔係中國語文水平。呢個好弔詭，原本得一個禮拜一堂普通話，你增加到佢一個禮拜十一堂。咁有兩樣嘢出現咗，第一，你講說話，用普通話講說話一定會上升；第二，你使用嘅詞彙，當然係書本上的詞語使用率咪上升囉。但係唔係，呢個只係普通話講嘢，只係普通話應用上升，就並唔係中文語文能力上升。」
「其實中國語文能力，或者水平提升，就唔係讀寫聽講，教育局呢個講法係好粗疏，只係方便尐人明白理解，所以將佢咁樣劃分。但係語文能力係咪剩係應用呢，應該包括我地用個腦去思維、理解、閱讀。我地仲要組織，其實一連串嘢，會同詞彙有少少關係，但又唔係絕對有關係，仲未計創意、組織。」
你覺得「普教中」對中文教授和學習有什麼影響呢？
陳老師︰「普教中就係一個單向式灌輸，即係我地一直詬病緊填鴨式教育制度。我講就你聽，你無得Say No，學生一係做，一係唔做，唔做咪唔合格囉，所以學生無得反饋俾老師。譬如你播普通話ETV，學生唔會諗架，佢咪剩係接收咗冷氣叫空調囉。尤其是係一年班啱啱入學，我地用母語廣東話去學習，另一班用普通話去教，咁樣做個實驗。頭個半年，普通話嗰班係要同佢搏命嘅，佢唔會知你講乜，因為你講嘅外星話，最少要半年先掌握得到。可能一年之後，兩班水平一樣架喎，點解啊？都係睇嗰尐文字，所以最後成績相若，但係向課室裡面，佢地會唔會舉手呢，佢都唔知你講乜。所以你話，我地長時間做就得，但咁樣係本末倒置咗啦，學好中文就應該捨難取易，本身有好地地嘅語言你唔用，老師學生可以好快速學到課文嘅嘢，但你搵個外語唻教學。」
「根據田北辰早幾日講，我地嘅普通話唔地道，係真係唔地道，除非係北京唻嘅老師，仲要攞到基準試最高級，呢種所謂唔地道咪教出唻唔地道嘅學生囉。如果按佢嘅思維去睇，香港老師咪唔夠人爭，老師咪無得撈？以呢個講法唻講，全部都唔掂架。普教中對老師唻講，最後會無咗飯碗，呢個係好現實嘅考慮。好似田北辰咁講邊個地道，北京落唻嘅人地道，最後咪將中文科嘅老師踢走晒囉，我地而家實行緊專科專教，咁你唔地道，你唔可以搭單去教其他課架，係咪？」
你覺得政府推行「普教中」有甚麼考慮？
陳老師︰「地道普通話夾雜好多北京方言，好似『這會子』。『瞧了半天』，佢叫『賣葱了半了』，咁你明唔明佢講咩？我普通話算係好叻，但我都聽唔明呢尐所謂地道嘅普通話。你念下小一至小六去到呢種所謂地道。當我地用返呢尐詞語，我地本身用緊嘅用句、用語、用詞會慢慢消失。佢成日強調『我口寫我手』，但問題係地道普通話口語，可唔可以寫落唻呢？但學生就習慣咗呢種嘢，本來有尐用廣東話表達好優美，譬如夜晚、黃昏，普通話就晚上，傍晚。我地本來有尐形音義，你聽就會覺得幾靚，個畫像會出唻，但普教中咪無咗囉，因為唔地道嘛。
「其實普通話，同廣東話係兩種唔同嘅語言，香港應該保留返粵語。呢個社會、社區文化，我地嘅大環境係用廣東話，點解我地要用一種外語去學我地嘅中文呢，呢個係奇怪嘅事，亦都係荒謬嘅事。本來普教中向99年係初擬，但而家無端端07年爆咗出來，一路唔講，到最尾報告就定咗普通話教中文。呢個係溫水煮蛙，本來一個大大粒嘅教改，中間夾一個條文話初擬，跟住唔講，而家話好多學校實行咗，完全無諮詢，問過老師意見，所以我地一定要出聲。」
中學老師鄭先生 任教中文八年
教育局稱「普教中」能提升中文水平，你有什麼評價呢？
鄭老師︰「普教中根本唔可行，第一、師資達唔到所謂嘅標準， 雖然而家大部分老師都要考普通話基準試，但你平時講普通話，同你教普通話已經係兩回事，而家仲話要用普通話唻教中文， 根本無可能實行。第二，普教中無教材配套，即使有，有好多我地而家教緊中國語文嘅文章，同課文都要刪走。舉個例，好似陶淵明《歸去來辭》，第一句『歸去來兮』就已經唔可能用普通話教，尤其係楚辭、詩經本身好多白話語，普教中即係叫你放棄一尐古文，唔係教中文，變相係破壞中文基礎。再講，好似《木蘭辭》呢一類南北叙事詩，第一句『唧唧復唧唧』，用廣東話教，學生一聽就知道係織衫， 但用普通話， 你要隔一重解釋尐學生先至明你講乜。」
你覺得「普教中」對中文教授和學習有什麼影響呢？
鄭老師︰「用普通話教中文，尐學生咪唔會聽你講嘢囉，而家用廣東話都好難提升同學上堂嘅興趣，用廣東話上中文堂已經夠悶，普教中咪仲大鑊？畢竟中港交流頻繁咗，而且好多人都要返大陸做嘢，我覺得學普通話係必須嘅，但一科普通話就乜都夠啦，始終識多一種語言，多一個優勢，但話用普通話教中文，係好錯誤嘅決定。普通話係可以學，但係唔可以當做教學語言，我地中文閱讀能力唔差架，比起內地唻講更高，點解我地要打沉咗佢，要搵第二樣嘢唻學，咁樣幾荒謬。」
（原文刊於第十六期《熱血時報》，於2014年2月23日免費派發。 由倉頡轉載