Quote
Mr. K
只聽過舞獅，未聽過舞獅撐。
以「舞獅撐」作為「舞獅」嘅代名詞，跟以「查篤撐」作為「粵劇」代名詞，可以話出自同一思維。
記得已故大戲老倌梁漢威生前約80年代曾喺電台主持一個教人欣賞粵劇嘅節目，好似叫做「學聽學唱查篤撐」。又記得七八十年代大名鼎鼎足球評述員震爆咪大聲葉葉觀楫，佢以「查撐篤撐」繪影繪聲形容足球員扭波過關斬將嘅腳法，有如大戲老倌喺戲台上配合樂聲走台步。
好耐冇聽波囉，現今講波佬講唔講「查撐篤撐」呢個代動詞。
「舞獅撐」
醒師團啲師兄弟平日都要配合鑼鑔鼓樂操練「舞獅」嘅獅步。印象中，最簡單嘅「獅舞」鼓樂第一節好似係「咑咚撐」三個音四拍，而「咑」係敲擊鼓嘅邊角所發出嘅聲音，「咚」係敲擊鼓面中心所發出嘅聲音，「撐」係鑼鼓鈸三器齊敲所發嘅聲音。左右三棰緊急嘅「咑咑咑」叫醒睡夢中嘅獅子。獅子配合「咚」聲抽一口氣，跟住配合「撐」聲企起身，然後隨樂大展各式威武雄姿。