胡言漢語講「打岔」，粵音漢語講「*亂歌柄」。粵音漢語呢個「*」，CantoDict Yale記音作「ja6」, 寫「拃」。
玓60幾年前離開三鄉，寄居澳門親戚籬下，長達九年，生活言語由三鄉閩語轉為粵音漢語，重學識「*亂歌柄」講寫都係「掙亂歌柄」（「掙」粵拼記作〔zaang6〕）。
粵音漢語，「掙」者，「強行擠入」之謂也。香港有位江湖人物綽號「掙爆」；毋老實嘅鴨農將鴨隻攞去出售前，為咗多賺十緡八緡，會先用沙「掙飽」鴨隻。膆囊掙飽沙嘅鴨，叫做掙沙鴨。建築裝修業有一種連繫用品叫做「掙爆螺絲」。1910-50年代，珠江三角洲試採用一種新水稻耕作技術叫做「插掙稿」。
敝鄉三鄉話「櫼櫼掙」係個粵音詞，詞義形容好勝青少年不甘後人爭取表現機會嘅過激態度。粵音漢語嘅「打櫼」，胡言漢語講「插隊」。
月前，一位孫輩宗親發來一條關於粵語文字音義嘅微信視頻，其中一字寫「嫸」，音〔zaang6〕，話係「zaang6亂歌柄」「zaang6」字嘅正寫。日前睇「澳廣視」嘅《粵音正讀》，節目話「嫸亂歌柄」嘅「嫸」讀〔zaam6〕。
玓60幾年前離開三鄉，寄居澳門親戚籬下，長達九年，生活言語由三鄉閩語轉為粵音漢語，重學識「*亂歌柄」講寫都係「掙亂歌柄」（「掙」粵拼記作〔zaang6〕）。
粵音漢語，「掙」者，「強行擠入」之謂也。香港有位江湖人物綽號「掙爆」；毋老實嘅鴨農將鴨隻攞去出售前，為咗多賺十緡八緡，會先用沙「掙飽」鴨隻。膆囊掙飽沙嘅鴨，叫做掙沙鴨。建築裝修業有一種連繫用品叫做「掙爆螺絲」。1910-50年代，珠江三角洲試採用一種新水稻耕作技術叫做「插掙稿」。
敝鄉三鄉話「櫼櫼掙」係個粵音詞，詞義形容好勝青少年不甘後人爭取表現機會嘅過激態度。粵音漢語嘅「打櫼」，胡言漢語講「插隊」。
月前，一位孫輩宗親發來一條關於粵語文字音義嘅微信視頻，其中一字寫「嫸」，音〔zaang6〕，話係「zaang6亂歌柄」「zaang6」字嘅正寫。日前睇「澳廣視」嘅《粵音正讀》，節目話「嫸亂歌柄」嘅「嫸」讀〔zaam6〕。