又呢又乜呢?

「又呢又 lou3」，多多聲氣；胡言漢語，「說三道四」。


呢個「又呢又 lou3」，有人寫「又呢又路」，亦有人寫「又呢又撈」。究竟邊個至啱? 我諗兩個寫法都唔爭尐尐。既唔能夠望文生義，反而會誤導迷途。

廣州西關講古佬彭嘉志話應該寫 「又呢又那」，其見同我不謀而合。

胡言漢語「那裡」，中山澳門粵語講「nou1 dou6」或「lou1 dou6」；珠海「那洲村」講「no4 zau1」。相信呢處「nou1」、「lou1」、「no4 」、「 lou3」都係「那」字嘅異讀。